काठमाडौं , वन तथा वातावरण राज्यमन्त्री रुपा विक पोखरेलले सामुदायिक वन र समुदाय बिचको सम्बन्ध महत्त्वपूर्ण रहेको बताउनु भयो।
वन जंगल वा वनस्पति विना मानव जीवनको कल्पना गर्न नसकिने भन्दै, तर यसको संरक्षण र उपभोग भने समुदायमा सन्तुलित हुनपर्ने बताउनु भएको छ।

भक्तपुरको चागुनारायणमा नगरपालिका वडा नं २ ले संचालन गरेको ‘समुदायको लागि दुई घण्टा´ अभियानको समापन समारोहमा वृक्षारोपण पछि संवोधनको क्रममा प्रमुख अतिथि विकले उक्त कुरा बताउनु भएको हो।
उहाले भन्नू भयो ” यो अभियानको समापन हैन। सुरुवात भएको छ। यसको निरन्तरता र अभियान प्रत्येक समुदाय र क्षेत्रमा आवश्यक छ।”
उहाले वन मन्त्रालयले र वन मन्त्रीको रुपमा गर्नुपर्ने थुप्रै कामहरु रहेको र त्यसलाई अध्यान, अनुशन्धान र सरोकारवालाहरु संग परामर्श गरेर वैज्ञानिक र जीवन उपयोगी कानुन निर्माणमा लाग्ने पनि वताउनु भयो।

अभियान अन्तरगत यो वर्ष १४ सय बिरुवा रोपिएको आयोजकले जानकारी गराएको छ, भने अभियानमा महत्त्वपूर्ण सहयोग र सहभागिता जनाउने व्यक्तित्वहरुलाई राज्यमन्त्री विकले सम्मान पत्र हस्तान्तरण गर्नु भएको थियो।