रोल्पामा बिहानै भूकम्पको धक्का, क्षतिको विवरण आउन बाँकी

काठमाडौं,   रोल्पा जिल्लाको इरीवाङ आसपास केन्द्रबिन्दु भएर सोमबार बिहान भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार बिहान ३ बजेर ७ मिनेट जाँदा ४.४ स्थानीय म्याग्निच्युडको भूकम्प रेकर्ड गरिएको हो।

भूकम्पको धक्का रोल्पासहित आसपासका क्षेत्रमा समेत महसुस भएको केन्द्रले जनाएको छ। रातिको समयमा आएको भूकम्पका कारण केही स्थानमा स्थानीयवासी घरबाहिर निस्किएका थिए।

हालसम्म भूकम्पबाट कुनै मानवीय वा भौतिक क्षति भएको आधिकारिक विवरण प्राप्त भएको छैन। सम्बन्धित निकायले प्रभावित क्षेत्रमा अवस्था बुझ्ने काम गरिरहेको जनाइएको छ।

नेपाल भूकम्पीय दृष्टिले संवेदनशील मुलुक भएकाले साना तथा मध्यम खालका भूकम्पहरू पटक–पटक आउने गरेका छन्। त्यसैले भूकम्पका बेला सुरक्षित स्थानमा जाने, अफवाहमा विश्वास नगर्ने तथा आधिकारिक सूचनालाई मात्र आधार मान्न विज्ञहरूले आग्रह गर्दै आएका छन्।