खोटाङ । लगातार बर्षाको कारण खोटाङको हलेसी तुवाचुङ नगरपालिकास्थित पहिरो खस्दा मध्यपहाडी लोकमार्ग अवरुद्ध भएको छ । विहिबार देखिको अविरल वर्षाका कारण करिव ३५/४० मिटर माथिबाट खसेको पहिरोको कारण सडक अबरुद्ध बनेको हो ।

सडक खण्डको अवरोध हटाउन खोटाङ जिल्ला प्रहरीले समन्वय गरिरहेको जनाएको छ । अवरुद्ध सडक खुलाउन र जनतालाई सुचित गर्न भन्दै जिल्ला प्रहरी खोटाङले विज्ञप्ति निकालेको छ। विज्ञप्तिमा भनिएको छ ” जिल्ला खोटाङ हलेसी तुवाचुङ नगरपालिका वडा नं. १० बर्खेटार स्थित मध्यपहाडी लोकमार्ग सडक खण्डमा सडकको अं. ३५/४० मिटर माथिबाट पहिरो आई अं. १५/२० मि. सडक ढाकेकोले सडक अवरोध भएको, सडक घटनास्थलमा

प्रहरी टोली खटी गएको,  सडक खुलाउन स्थानिय निकाय तथा सडक विभागसंग समन्वय भईरहेको र सडक बिभागकाे JCB घटना स्थल तर्फ गइरहेको व्यहाेरा जानकारी गराइन्छ।”