फूलचोकीको जंगलभित्र १३ जना हराए, प्रहरीको खोजी टोली परिचालन

काठमाडौं । ललितपुरको फूलचोकीको जंगलभित्र १३ जना हराएका छन् । उपत्यका प्रहरीको कन्ट्रोल रुममा आफूहरु जंगलभित्र हराएको भनी हराउनेमध्येकै एक व्यक्तिले फोन गरेका थिए । बेलुकी साढे ५ त्यस्तो सूचना आउनासाथ प्रहरीको खोजी टोली परिचालन गरिएको जिल्ला प्रहरी परिसरका प्रवक्ता एसपी नवरत्न पौडेलले बताए ।

खोजी कार्यमा प्रहरी प्रभाग बाणेगाउँकी इन्स्पेक्टर अस्मिता कपालीको टोली परिचालित छ । २७६१ मिटर अग्लो उक्त स्थामा घना जंगल भएका कारण वर्षेनी मानिस हराउने गरेका छन् । यो समाचार तयार पार्दासम्म हराएका व्यक्ति भेटिएका छैनन् ।