ताप्लेजुङ गोल्डकप फुटबल: उपाधिका लागि सलहेस र सगरमाथा युथ क्लबको भिडन्त

काठमाण्डौ । ताप्लेजुङ गोल्डकप फुटबल प्रतियोगिताको उपाधिका लागि आज सलहेस युथ क्लब सिरहा र सगरमाथा युथ क्लबबीच खेल हुँदैछ । यो खेल दिउँसो २ बजेपछि ताप्लेजुङको फुङलिङ मैदानमा हुनेछ । सलहेसले यसअघि सिमरा गोल्डकपमा ‘ए’ डिभिजन लिगको चर्च ब्वाइजलाई हराएको थियो ।

यस्तै, सगरमाथा युथ क्लब मोरङले राजारानी र सङ्खुवासभा गोल्डकपमा ह्याट्रिक गरिसकेको छ भने इटहरी गोल्डकप दुई पटक जितिसकेको छ । ताप्लेजुङ गोल्डकपको विजेताले ५ लाख र उपविजेताले २ लाख ५० हजार रुपैयाँसहित ट्रफी, मेडल र प्रमाण–पत्र पाउने छन् ।