logo

२०८१ माघ ७ सोमबार

logo
  • सोमबार, ७ माघ २०८१
    • logo

    नक्कली लेबलिङ गरेर कम्प्युटर बेचबिखन गरेको आरोपमा दुईजना पक्राउ

    नक्कली लेबलिङ गरेर कम्प्युटर बेचबिखन गरेको आरोपमा दुईजना पक्राउ

    1.1K
    SHARES
    नक्कली लेबलिङ गरेर कम्प्युटर बेचबिखन गरेको आरोपमा दुईजना पक्राउ
    काठमाडौँ । जिल्ला प्रहरी परिसर काठमाडौँको टोलीले डेल कम्पनीको लोगो सादा मनिटरमा लेबलिङ गरी कम्प्युटर मनिटर बेचबिखन गरेको अभियोगमा दुईजनालाई पक्राउ गरी  सार्वजनिक गरेको छ ।
    जिल्ला प्रहरी परिसरमा आइतवार पत्रकार सम्मेलनको आयोजना गरी उनीहरुलाई सार्वजनिक गरिएको हो । पक्राउ पर्नेमा बर्मा देश घर भई हाल काठमाडौँ महानगरपालिका–२२ बस्ने २२ वर्षीय तुसार अग्रवाल तथा न्युरोडमा पसल रहेका उमेश मुडभरी रहेका जिल्ला प्रहरी परिसर काठमाडौँका प्रमुख एवं प्रहरी वरिष्ठ उपरीक्षक वसन्त रजौरेले पत्रकार सम्मेलनमा जानकारी दिनुभयो ।
    उहाँले भन्नुभयो, “काठमाडौँ महानगरपालिका–२२ स्थित मुकुन्द्र श्रेष्ठको घरगोदाममा डेल कम्पनीको लोगो सादा मनिटरमा लेबलिङ गरी कम्प्युटर मनिटर बेचबिखन गरिरहेको सूचनाका आधारमा हाम्रो टोलीले तुसार अग्रवाल र उमेश मुडभरीलाई पक्राउ गरेको हो ।” पक्राउ परेका मुडभरी काठमाडौँको न्युरोडमा पसल सञ्चालन गर्ने व्यक्ति रहेको खुल्नमा आएको प्रहरीले जनाएको छ ।
    प्रहरीले तुसार अग्रवालको गोदमबाट कम्पनीको लोगोसहित ५० थान तथा लोगोबिनाको एक सय ८५ गरी कूल दुई सय ३५ थान एवं मुडभरीबाट न्युरोड पसलमा बेचबिखनका लागि राखिएको कम्पनीको लोगोसहितको ६ थान मनिटर बरामद गरिएको प्रहरी प्रमुख एवं प्रहरी वरिष्ठ उपरीक्षक रजौरेले बताउनुभयो ।

    फास्ट न्युज ।
  • आइतबार, ६ जेष्ठ २०८१
    • सम्बन्धित समाचार
    ताजा अपडेट
    logo
    Our Team
    Quick Link
    Social media

    © 2025: Fast news मा सर्वाधिक सुरक्षित छ । बिज्ञापन | सम्पर्क | हाम्रो बारेमा

    Developed by: Webbank nepal Pvt.Ltd