प्रतिनिधिसभा बैठक आज बस्दै, नीति तथा कार्यक्रममाथि छलफल र निर्णय हुने तयारी

काठमाडौं । प्रतिनिधिसभाको बैठक आज बिहान ११ बजे बस्ने भएको छ । बैठकमा सरकारको नीति तथा कार्यक्रममाथि छलफल जारी रहनेछ ।

आजको सम्भावित कार्यसूचीअनुसार छलफलका क्रममा उठेका प्रश्नहरूको जवाफ प्रधानमन्त्री बालेन शाहले दिनेछन् । साथै, नीति तथा कार्यक्रमलाई आजै निर्णयार्थ प्रस्तुत गर्ने तयारी गरिएको छ ।

चालु संसद् अधिवेशनमा आर्थिक वर्ष २०८३/८४ को बजेटसमेत प्रस्तुत गरिने कार्यसूची रहेको छ ।

यसअघि प्रधानमन्त्री नीति तथा कार्यक्रम प्रस्तुत गर्न सदनमा उपस्थित नभएको भन्दै प्रतिपक्षी दलका सांसदहरूले बुधबार प्रतिनिधिसभा बैठक अवरुद्ध गरेका थिए ।