एसियाली खेलकुदमा नेपालले पाँचौँ दिनमा खोल्यो पदकको खाता, चीनको अग्रता कायमै

काठमाडौँ । जापानको आइची–नागोयामा जारी २०औँ एसियाली खेलकुदमा नेपालले पाँचौँ दिनमा आएर पदकको खाता खोलेको छ। पुरुष कुमिते ८४ केजीमाथिको तौल समूहमा नेपाली खेलाडी तेन्जिङ शेर्पाले कांस्य पदक जित्दै नेपालको पदक तालिकामा खाता खोलेका हुन्।

पाँचौँ दिनको खेल सकिँदा चीनले पदक तालिकामा आफ्नो अग्रता थप फराकिलो बनाएको छ। चीनले हालसम्म ४८ स्वर्ण, २० रजत र १० कांस्य गरी कुल ७८ पदक जितेको छ।

घरेलु टोली जापान १५ स्वर्ण, २५ रजत र २७ कांस्यसहित ६७ पदकका साथ दोस्रो स्थानमा छ। दक्षिण कोरिया आठ स्वर्ण, आठ रजत र २५ कांस्य गरी ४१ पदकसहित तेस्रो स्थानमा रहेको छ।

काजकिस्तान सात स्वर्ण, चार रजत र आठ कांस्यसहित १९ पदक जितेर चौथो स्थानमा छ। त्यस्तै, थाइल्यान्ड पाँच स्वर्ण, तीन रजत र चार कांस्यसहित १२ पदकका साथ पाँचौँ स्थानमा रहेको छ।

नेपालले भने तेन्जिङ शेर्पाको कांस्य पदकसँगै प्रतियोगितामा आफ्नो पदकको खाता खोलेको हो।