आज राष्ट्रिय विभूति युवाकवि मोतीराम भट्टको १५९औँ जन्मजयन्ती हो ।
विसं १९२३ भाद्र कृष्ण कुशे औँसीका दिन जन्मेर विसं १९५३ भाद्र कृष्ण कुशे औँसीकै दिन ३० वर्षको उमेरमा निधन भएका मोतीराम भट्टले नेपाली साहित्यको श्रीवृद्धिका लागि गहन योगदान पुर्याएका थिए । यसै सन्दर्भमा आज विभिन्न कार्यक्रमहरु गरेर उनलाई स्मरण गरिन्छ ।

नेपाली साहित्यको शृङ्गार रसलाई योगदान दिएका युवाकवि भट्टले आदिकवि भानुभक्तको जीवनी पहिलोपटक प्रकाशनमा ल्याउनुका साथै नेपालमा छापाखानासमेत भित्र्याएका थिए । यही छापाखानामार्फत नेपालमा पत्रकारिताको सुरुआत भएको मानिन्छ ।

नेपाली साहित्यमा गजल भित्र्याउने श्रेय पनि भट्टलाई छ । नेपाली भाषा साहित्यमा समालोचना पनि उनले गरेका थिए । पहिलोे जीवनी लेख्ने परम्परा उनले गरेको मानिन्छ ।

बहुमुखी प्रतिभाका उनी छोटो जीवन बाँचेर नेपाली भाषा साहित्यमा भने सदा बाँचिरहेका छन् । हाम्रो पनि भावपूर्ण श्रद्धान्जली ।