तुवाचुङ–जायजुम पर्यटकीय पदमार्गप्रति आकर्षण बढ्दो (फोटो)

दिक्तेल । खोटाङको तुवाचुङ–जायजुम पदमार्ग भ्रमण गर्न आन्तरिक पर्यटकहरु बढ्दै गएका छन् । किरात समुदायको उद्गमस्थल मानिने खोटाङको हलेसी–तुवाचुङ नगरपालिका–७ महादेवस्थानस्थित तुवाचुङ–जायजुममा निर्माण गरिएको पर्खालसहितको पर्यटकीय पदमार्ग आजभोलि सबैका लागि आकर्षण हुँदै गएको हो ।

तुवाचुङ मिनी ग्रेटवाल भनेर समेत चिनिने यस पदमार्ग नेपाल सरकार, संस्कृति, पर्यटन तथा नागरिक उड्डयन मन्त्रालयको लगानीमा सिमेन्ट र बालुवाको कंक्रिट प्रयोग नगरी चुनासुकी प्रयोग गरेर निर्माण गरिएको हो ।