प्रतिपक्ष दलको बैठक बानेश्वरमा सुरु

काठमाडौं । प्रमुख प्रतिपक्ष दल नेकपा माओवादी केन्द्रसहितका दलको बैठक नयाँ बानेश्वरस्थित संसद् भवनमा सुरु भएको छ ।

बैठकमा प्रचण्डसहित नेकपा एसका अध्यक्ष माधव कुमार नेपाल, लोसपा अध्यक्ष महन्थ ठाकुर, शक्ति बस्नेत सहभागी छन् । यता रास्वपाबाट भने सभापति रवि लामिछानेसहित आधा दर्जन सांसद बैठकमा पुगेका छन् । रविसहित सांसदहरु डीपी अर्याल, विराजभक्त श्रेष्ठ, सुमना श्रेष्ठ, सन्तोष परियार र स्वर्णिम वाग्ले बैठकमा उपस्थित भएका छन् ।

आजको बैठकले संसद्मा प्रतिनिधित्व गर्ने विपक्षी दलहरु मिलेर संसद्को विशेष अधिवेशन बोलाउन सरकारलाई आग्रह गरिने बताइएको छ ।

पछिल्लो विकसित राजनीतिक घटनाक्रम र आगामी दिनमा चाल्ने कदमबारे छलफल गर्न बैठक बोलाइएको बताइएको छ ।