महावीर पुन मन्त्री बन्दै

काठमाडौं । म्याग्दीबाट स्वतन्त्र रूपमा निर्वाचित सांसद महावीर पुन मन्त्री बन्ने भएका छन् ।

प्रधानमन्त्री बालेन्द्र शाहले पुनलाई विज्ञान, प्रविधि तथा नवप्रवर्तन मन्त्रीमा नियुक्तिका लागि सिफारिस गरेका हुन्।

उच्च स्रोतका अनुसार पुनले आजै पद तथा गोपनीयताको शपथ लिने तयारी रहेको छ। यसअघि सुशीला कार्की नेतृत्वको सरकारमा शिक्षामन्त्रीको जिम्मेवारी सम्हालेका पुनले उक्त पदबाट राजीनामा दिएपछि स्वतन्त्र उम्मेदवारका रूपमा निर्वाचन लडी सांसद निर्वाचित भएका थिए।

यसैबीच, गृहमन्त्री पदमा राष्ट्रिय स्वतन्त्र पार्टी (रास्वपा) का सांसद सुदन गुरुङ पुनः नियुक्त हुने भएका छन्। गुरुङले पनि आजै मन्त्री पदको शपथ लिने सम्भावना रहेको स्रोतले जनाएको छ।

यससँगै मन्त्रिपरिषद्मा फेरबदल गर्दै प्रधानमन्त्री शाहले सरकारलाई थप प्रभावकारी बनाउने तयारी गरेका छन्।