प्रतिनिधिसभा बैठकमा सत्ता र प्रतिपक्षी दलहरूबीच चर्काचर्की

काठमाडौं । प्रतिनिधिसभा बैठकमा सत्ता र प्रतिपक्षी दलहरूबीच चर्काचर्की भएको छ । बैठकमा चर्काचर्की भएपछि सभामुख देवराज घिमिरेले बैठक १५ मिनेटका लागि स्थगित गरेका छन् । उक्त बैठकको प्रत्यत्क्ष प्रशासन भने हुन सकेन । संसद् सचिवालयका अनुसार केही प्राविधिक समस्याका कारण बैठक लाइभ हुन नसकेको हो ।

यद्यपि अहिले संसद् सचिवालयले बैठकको भिडिओ वेबसाइटमार्फत उपलब्ध गराएको छ । सत्तापक्षका सांसदहरूले शुक्रबारको घटनालाई लिएर विपक्षीले बैठक अवरोध गर्न नहुने बताएका थिए ।

तर, विपक्षीहरूले कुलमान घिसिङलाई बर्खास्ती गरिएको कारणबारे प्रधानमन्त्रीले संसद्मा जवाफ दिएपछि मात्रै संसद् खुल्न दिने भन्दै अवरोध गरेका हुन् ।