नेप्से ०.३० प्रतिशतले घटेर २७४८.०५ विन्दुमा बन्द

काठमाडौं । साताको अन्तिम कारोबार दिन बिहीबार नेप्से परिसूचक सामान्य अंकले घटेको छ । । नेप्से ०.३० प्रतिशतले घटेर २७४८.०५ विन्दुमा बन्द भएको हो ।

यस दिन ५० कम्पनीको सेयर मूल्य बढेको छ । १९४ कम्पनीको सेयर मूल्य घटेको छ । विशाल बजार कम्पनी र विन नेपाल लघुवित्त वित्तीय संस्था लिमिटेडको सेयर मूल्य १० प्रतिशतले वृद्धि भएको छ । मानुषी लघुवित्त वित्तीय संस्थाको सेयर मूल्य १० प्रतिशतले घटेको छ ।

आठ अर्ब ५४ करोड ५५ लाख रुपैयाँको सेयर कारोबार भएको छ । बुधबार नौ अर्ब ३१ करोड रुपैयाँको सेयर खरिद–बिक्री भएको थियो ।

कारोबारमा आएका १३ मध्ये डेभलपमेन्ट बैंक, जीवन बिमा र व्यापार समूहको परिसूचक बढेको छ । बाँकी समूहको परिसूचक घटेको छ । व्यापार समूहको परिसूचक ९.२५ प्रतिशतले वृद्धि भएको छ । विकास बैंक समूहको १.०५ र जीवन बिमा समूहको परिसूचक ०.४७ प्रतिशतले बढेको छ ।