जेनजी आन्दोलनमा कारागारबाट भागेका हाडनाता बलात्कारका दोषी पक्राउ

काठमाडौं, हाडनाता बलात्कार कसुरमा १४ वर्ष कैद सजाय तोकिएका एक फरार कैदी पक्राउ परेका छन् । पक्राउ पर्नेमा पोखरा घर भएका हर्कबहादुर गुरुङ रहेका छन् ।

गुरुङलाई प्रहरीको केन्द्रीय अनुसन्धान ब्यूरो (सीआईबी) ले पक्राउ गरेको हो । १४ साउन २०८१ मा कास्की जिल्ला अदालतले उनलाई हाडनाता बलात्कार कसुरमा १४ वर्ष कैद सजाय सुनाएको थियो ।

अदालतको फैसलापछि कैद भुक्तान गरिरहेका गुरुङ जेनजी आन्दोलनका क्रममा कारागारबाट भागेको प्रहरीले जनाएको छ । कारागारबाट फरार भएपछि प्रहरीले उनको खोजी गरिरहेको थियो ।

सीआईबीले पक्राउ गरेपछि गुरुङलाई आवश्यक कानुनी प्रक्रिया पूरा गरी कास्की कारागार पठाइएको प्रहरीले जनाएको छ ।