logo

२०८३ मंसिर १ सोमबार

logo
  • २०८३ मंसिर १ सोमबार
  • एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती

    859Shares
    एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती

    काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको विशाल लक्ष्य दिएको छ । यो लक्ष्य एनपीएल इतिहासकै सबैभन्दा उच्च योगफल हो ।

    कीर्तिपुरस्थित त्रिवि अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको पोखराले निर्धारित २० ओभरमा ३ विकेट गुमाउँदै २२४ रन बनायो ।

    पोखराका लागि कुशल भुर्तेलले ९९ रनको उत्कृष्ट पारी खेले । उनी शतक बनाउन एक रनले चुके । त्यस्तै, युवराज सामराले ८९ रन बनाए ।

    काठमाडौंका कप्तान करण केसीले २ तथा जहानदाद खानले १ विकेट लिए ।

    प्लेअफमा स्थान सुरक्षित गरिसकेको काठमाडौं अंकतालिकाको तेस्रो स्थानमा छ भने प्रतियोगिताबाट बाहिरिसकेको पोखरा पुछारमा छ ।

    आजको खेलमा काठमाडौं विजयी भए पहिलो क्वालिफायरमा स्थान बनाउनेछ । पराजित भए भने उसले इलिमिनेटर खेल्नुपर्नेछ ।



    फास्ट न्युज    
  • २०८३ कार्तिक ३०, आईतवार
  • प्रतिक्रिया

    सम्बन्धित समाचार
    ताजा अपडेट