मनकामना केबलकार तीन दिन बन्द गरिने

काठमाडौं । मनकामना केबलकार तीन दिन बन्द गरिने भएको छ । मर्मत-सम्भारका साथै केबलकारको लट्ठा समेत छोट्ट्याउने कामका निम्ति यही असोज २९, ३० र कात्तिक १ गतेसम्म तीन दिन बन्द गरिने भएको हो ।

मनकामना दर्शन प्रालिका नायब प्रबन्धक उज्ज्वल शेरचनका अनुसार, केबलकार कात्तिक २ गतेदेखि नियमित सञ्चालनमा ल्याइनेछ । यसअघि, विजयादशमी र एकादशीको दिन पनि केबलकार बन्द गरिएको । आज भने केबलकार सञ्चालन गरिएको छ ।

गोरखाको सहिद लखन गाउँपालिकास्थित प्रसिद्ध धार्मिकस्थल मनकामना मन्दिर जाने दर्शनार्थीलाई सहजताका निम्ति ०५५ मंसिर ८ गतेदेखि मनकामना केबलकार सञ्चालनमा ल्याइएको हो । केबलकारको प्रवेशद्वार बटम स्टेसन भने चितवनको इच्छकामना गाउँपालिका-४, चेरेसमा छ ।