स्थानीय बजारमा घट्यो सुनको मूल्य

काठमाडौँ । स्थानीय बजारमा आज सुनको मूल्य प्रतितोला तीन सय रुपियाँले घटेको छ । नेपाल सुनचाँदी व्यवसायी महासंघका अनुसार मंगलबार प्रतितोला एक लाख ५६ हजार सात सय रुपियाँमा कारोबार भएको छापावाला सुन आजका लागि एक लाख ५६ हजार चार सय रुपियाँ निर्धारण भएको छ ।

यस्तै, चाँदीको मूल्य प्रतितोला १५ रुपियाँले घटेको छ । मङ्गलबार प्रतितोला एक हजार नौ सय पाँच रुपियाँमा कारोबार भएको चाँदी आजका लागि भने एक हजार आठ सय ९० रुपियाँ निर्धारण भएको छ ।