भुटानका राजा वाङचुकले स्वयम्भूनाथ पुगेर दर्शन गरे

काठमाडौं । भुटानका राजा जिग्मे खेसार नाम्ग्याल वाङचुकले स्वयम्भूनाथ पुगेर दर्शन गरेका छन् । निजी भ्रमणका लागि आजै काठमाडौं आएका वाङचुकले विश्वसम्पदा सूचीमा सूचीकृत स्वयम्भूनाथको पूजा अर्चनासहित दर्शन गरेका हुन् ।

त्यसअघि, स्वयम्भू व्यवस्थापन तथा संरक्षण महासमितिका पदाधिकारीले स्वयम्भूनाथ परिसरमा भुटानी राजालाई स्वागत गरेका थिए । करिब आधा घण्टा स्वयम्भूनाथ परिसरमा बिताएका भुटानी राजाले काठमाडौं उपत्यकाको दृश्यावलोकन पनि गरेका थिए । भारतबाट स्वदेश फर्किने क्रममा काठमाडौं आएका उनी आजै स्वदेश फर्किने परराष्ट्र मन्त्रालयले जनाएको छ ।