बहुमत ल्याउने ल्याकत भएका हामी चुनावबाट भाग्दैनौं : ओली

भक्तपुर । नेकपा एमालेका अध्यक्ष केपी शर्मा ओलीले एमाले बहुमत ल्याउने ल्याकत भएको पार्टी भएकोले चुनावबाट नभाग्ने बताएका छन् ।पार्टीको ११ औं महाधिवेशनको उद्घाटन गर्दै भक्तपूरको सल्लाघारीमा आयोजित विशाल सभामा शनिबार उनले यस्तो धारणा व्यक्त गरे ।
ओलीले भने ‘डर, दबाब र प्रतिशोधको छायाबाट मुक्त चुनाव हुँदा बहुमत ल्याउने ल्याकत भएको चुनावबाट भाग्छ भन्ने कसैले नसोचे हुन्छ।’चुनावका कुरा गरेर जनता अल्मल्याउन खोजेपनि चुनावको बाताबरण सरकारले नबनाएको उनले बताए ।
ओलीले अहिले सरकारले चुनावको वातावरण बनाउनुको सट्टा राजनीतिक दलविरुद्ध नै षडयन्त्र गरिरहेको आरोप लगाए।