बारमा विजयप्रसाद मिश्रको प्यानलै भारी मतान्तरले विजयी

काठमाडौं । नेपाल बार एसोसिएसनको चुनावमा कांग्रेस-एमाले प्यानलका साझा उमेद्वार विजयप्रसाद मिश्रको प्यानलै निर्वाचित भएको छ । मिश्रले ५०५२ मत ल्याएर विजयी हुँदा उनका निकटतम प्रतिस्पर्धी विपक्षी गठबन्धनबाट भिडेका माओवादीनिकट कानून व्यवसायी समूहका वरिष्ठ अधिवक्ता रमण श्रेष्ठले २६२१ ल्याएका छन।

त्यस्तै महासचिवमा कांग्रेस -एमाले प्यानलका केदारप्रसाद कोइराला ४८७४ भोट ल्याएर विजयी हुँदा यज्ञमणि न्यौपानेले २३६७ भोटमात्र ल्याए ।
शनिबार भएको बारको चुनावमा ९९५७ मतदातामध्ये करिब ८० प्रतिशत मतदान भएको थियो ।

मतदानका लागि काठमाडौं र बाहिर गरी ३६ केन्द्र तोकिएको थियो ।