एकीकृत समाजवादीले तोक्यो केन्द्रीय विभागका प्रमुख र उपप्रमुख

काठमाडौं । नेकपा एकीकृत (एकीकतृ समाजवादी) ले केन्द्रीय विभागका प्रमुख तथा उपप्रमुखहरू तोकेको छ ।

यही माघ १४ गते पार्टीले ३३ वटा केन्द्रीय विभागका प्रमुख र उपप्रमुखको जिम्मेवारीसहित जारी गरेको अन्तर पार्टी निर्देशनमा एकीकृत समाजवादीका महासचिव भुसालले कम्युनिष्ट पार्टीहरूका प्रचलितभन्दा फरक जिम्मेवारी पाएका हुन् ।जसमा पार्टी स्कुल विभाग प्रमुखमा पार्टीका सम्मानित नेता झलनाथ खनाल, उपप्रमुखमा पार्टीका वरिष्ठ नेताद्वय डा. बेदुराम भुसाल र डा. विजय पौडेललाई जिम्मेवारी तोकेको छ ।

यस्तै, अनुगमन तथा मूल्यांकन विभाग प्रमुखमा पार्टी महासचिव घनश्याम भुसाल, उपप्रमुखमा अशेष घिमिरे, संसदीय विभाग प्रमुखमा गरिमा शाह, शिक्षा विभाग प्रमुखमा पार्टी सचिव सावित्रा भुसाल, उपप्रमुखमा उदयबहादुर बोहरा, आर्थिक विभाग प्रमुखमा पार्टी सचिव सोम पाण्डे, सहकारी विभाग प्रमुखमा केशवलाल श्रेष्ठ र उपप्रमुखमा निर्मल सुवेदी र नवराज सुवेदीलाई जिम्मेवारी तोकिएको छ।