चिसिंदो मौसम : आजको अबस्था कस्तो छ ?

काठमाडौं ।हाल नेपालमा पश्चिमी वायुको आंशिक प्रभाव रहेको जल विभागले जनाएको छ ।देशका केही भूभागमा आज आंशिक बदली हुनेछ । अधिकांश भूभागमा भने मौसम सफा हुनेछ ।

बिहान तराईका केही स्थानमा हुस्सु र कुहिरो लागेको छ । पौने ६ बजे सबैभन्दा कम भिजिविलिटी विराटनगरमा १०० मिटर रहेको छ । जनकपुरमा ५०० मिटर भिजिविलिटी रहेको छ ।काठमाडौंमा बिहान पौने ६ बजेको न्यूनतम तापक्रम ४.५ डिग्री सेल्सियस मापन गरिएको छ । दिउँसो अधिकतम तापक्रम १८ देखि २० डिग्री सेल्सियससम्म पुग्ने पूर्वानुमान छ ।

जल तथा मौसम विभागका अनुसार दिउँसो तराई भूभागका केही स्थानमा हुस्सु र कुहिरो लाग्नेछ ।कोसी, गण्डकी, कर्णाली र सुदूरपश्चिम प्रदेशको उच्च पहाडी तथा हिमाली भूभागमा आंशिक बादल लाग्नेछ । बाँकी भूभागमा मौसम मुख्यतया सफा रहनेछ ।
विभागले राति तराई भूभागका केही स्थानमा हुस्सु रहने बताएको छ । कोसी, गण्डकी र कर्णाली प्रदेशको उच्च पहाडी तथा हिमाली भूभागमा आंशिक बादल लाग्नेछ ।  बाँकी भूभागमा मौसम मुख्यतया सफा रहने जल तथा मौसम विभागले जनाएको छ ।