शेयर बजार बिहीबार पनि घट्यो, काराेबार ५ अर्ब रुपैयाँमा सीमित

काठमाडौं । बुधबार घटेको शेयर बजार बिहीबार पनि ओरालो लागेको छ । शेयर बजार परिसूचक नेप्से आज ९ दशमलव २२ अङ्कले घटेर २ हजार ७ सय ५७ दशमलव ९७ विन्दुमा झरेको छ ।

बिहीबार निर्जीवन बीमा बाहेक सबै समूहको शेयर घटेको छ । बिहीबार १ सय ९७ वटा कम्पनीको शेयर घट्दा ५३ वटाको बढेको छ ।

बिहीबार जनउत्थान सामुदायिक लघुवित्त र सयपत्री हाइड्रोपावर कम्पनीको शेयर साढे ४ प्रतिशतले घटेको छ । समग्रमा बजार घटेको दिन विकास हाइड्रोपावर कम्पनीको शेयर भने १० प्रतिशतले बढेको छ ।

नेप्सेसँगै कारोबार रकम पनि घटेको छ । हिजो ५ अर्ब २० करोडको कारोबार भएकोमा आज ३ सय १९ वटा कम्पनीका १ करोड ६८ लाख कित्ता शेयर ५ अर्ब २ करोड रुपैयाँमा किनबेच भएको छ । योसँगै शेयर कारोबार रकम लगातार चौथो दिन घटेको हो ।