सेयर धितो कर्जाको जोखिमभार १०० प्रतिशतमा झारियो

काठमाडौं । सेयर धितो कर्जाको जोखिरभारमा गरिएको १०० प्रतिशतको व्यवस्था कार्यान्वयनमा आएको छ । बुधबार नेपाल राष्ट्र बैंकले एकीकृत निर्देशन जारी गर्दै उक्त व्यवस्था कार्यान्वयनमा ल्याएको हो ।

यो सँगै अबबाट सेयर धितो कर्जाको जोखिमभार १०० प्रतिशत कायम भएको छ । गएको आइतबार राष्ट्र बैंकले चालु आर्थिक वर्षको मौद्रिक नीतिको तेस्रो त्रैमासिक समीक्षा गर्दै १२५ प्रतिशत रहेको सेयर धितो कर्जाको जोखिमभार १०० प्रतिशतमा झार्ने घोषणा गरेको थियो ।

एकीकृत दिर्नेशनमार्फत् केन्द्रीय बैंकले बैंक तथा वित्तीय संस्थाले कायम गर्नुपर्ने अनिवार्य नगद मौज्दातको न्यूनतम ९० प्रतिशत रकम आउने आइतबारबाट लागू गर्नुपर्ने उल्लेख गरेको छ ।