प्रधानमन्त्री ओलीद्धारा सत्तारुढ दलको बैठक बोलाइयो

काठमाडौं । सत्ता पक्षका राजनीतिक दलहरूको बैठक सोमबार बस्दैछ । प्रधानमन्त्री केपी शर्मा ओलीले सो बैठक बोलाएका हुन् ।

प्रधानमन्त्री ओलीको सचिवालयका अनुसार बैठक सोमबार साँझ ५ बजे बालुवाटारमा बस्नेगरी बोलाइएको छ ।
माघ १८ गतेबाट संसद्को हिउँदे अधिवेशन सुरु हुँदै गर्दा यो बैठक बोलाइएको हो ।
बैठकमा आसन्न हिउँदे अधिवेशन,अधिवेशनमा पेस गरिने विधेयक र सरकारका काम कारबाहीबारे छलफल हुनेछ ।