संसदीय तीन समितिको बैठक आज बस्दै, बजेट र भूमिहीन व्यवस्थापनबारे छलफल

काठमाडौं । आज संघीय संसदअन्तर्गतका तीन वटा संसदीय समितिको बैठक बस्दैछ ।

बैठक बस्ने समितिहरूमा अर्थ समिति, सार्वजनिक नीति तथा प्रत्यायोजित विधायन समिति तथा सङ्घीयता सबलीकरण तथा राष्ट्रिय सरोकार समिति रहेका छन् ।

आज बिहान ९ः३० बजे बस्ने अर्थ समितिको बैठकमा आर्थिक वर्ष २०८३/८४ को बजेटमा समावेश गर्नुपर्ने नीतिगत विषयबारे विज्ञहरूसँग छलफल गर्ने कार्यसूची तय गरिएको छ ।

यस्तै, बिहान ११ बजे राष्ट्रिय सभाअन्तर्गतको सार्वजनिक नीति तथा प्रत्यायोजित विधायन समिति र सङ्घीयता सबलीकरण तथा राष्ट्रिय सरोकार समितिको संयुक्त बैठक बस्नेछ ।

संयुक्त बैठकमा भूमिहीन नागरिकलाई अस्थायी रूपमा राखिएको होल्डिङ सेन्टरको अनुगमन समीक्षा तथा अन्य समसामयिक विषयमा छलफल हुने जनाइएको छ ।