दुर्गा प्रसाईँविरुद्ध राज्यविरुद्धको कसुर र विद्युतीय कारोबार ऐनअन्तर्गत मुद्दा दर्ता

वीरगन्ज । राष्ट्र, राष्ट्रियता, धर्म, संस्कृति तथा नागरिक बचाउ महाअभियानका संयोजक दुर्गा प्रसाईँ विरुद्ध प्रहरीले राज्यविरुद्धको कसुर तथा विद्युतीय (इलेक्ट्रोनिक) कारोबार ऐनअन्तर्गत मुद्दा दर्ता गरेको छ ।

सोमबार साँझ वीरगन्जबाट पक्राउ परेका प्रसाईँविरुद्ध मंगलबार मुद्दा दर्ता गरिएको जिल्ला प्रहरी कार्यालय पर्साले जनाएको छ । प्रहरीले पर्सा जिल्ला अदालतबाट तीन दिनको म्याद थप अनुमति लिएर आवश्यक अनुसन्धान अघि बढाएको जनाएको छ ।

प्रसाईँ सोमबार काठमाडौंबाट सिमरा विमानस्थल हुँदै वीरगन्ज पुगेका थिए । उनको वीरगन्जमा मंगलबार सार्वजनिक कार्यक्रम गर्ने तालिका रहेको बताइएको छ ।