अर्थमन्त्री अनुपस्थित भएपछि प्रतिनिधि सभा बैठक १५ मिनेटका लागि स्थगित

काठमाडौँ ।  प्रतिनिधि सभाको बैठक बजेटका सिद्धान्त र प्राथमिकतामाथिको छलफल चलिरहेकै बेला १५ मिनेटका लागि स्थगित गरिएको छ।

अर्थमन्त्री डा. स्वर्णिम वाग्ले छलफलमा अनुपस्थित भएपछि सत्ता पक्ष र प्रतिपक्ष दुवैका सांसदहरूले आपत्ति जनाएका थिए। मन्त्रीको अनुपस्थितिप्रति दुवै पक्षका सांसदहरूले विरोध जनाएपछि सभामुख डोलप्रसाद अर्यालले बैठक १५ मिनेटका लागि स्थगित गरेका हुन्।

बजेटका सिद्धान्त र प्राथमिकतासम्बन्धी छलफलका क्रममा अर्थमन्त्री उपस्थित नभएको विषयलाई लिएर सदनमा असन्तुष्टि देखिएको हो।