काठमाण्डाै – हप्ताको पहिलो दिन शेयर बजार साढे ३४ अङ्कले घटेको छ । शेयर बजार परिसूचक नेप्से आज ३४ दशमलव ४७ अङ्कले घटेर दुई हजार नौ सय ६६ दशमलव ३३ विन्दुमा झरेको छ ।

आज नेप्से परिसूचक २ हजार ९६६ दशमलव ३३ विन्दुमा झरेको हो । यस दिन नेप्से इन्ट्राडेमा ३ हजार ४८ दशमलव १५ विन्दुसम्म पुगेको थियो । बढेको बजारमा कारोबारीहरूले प्रोफिट गरेसँगै आइतवार बजार घटेको देखियो । यसभन्दा अगाडि नेप्से दुई कारोबार दिनमा ७७ दशलमव ३४ अंक बढेको थियो ।

४७ कम्पनीको मूल्य बढ्दा १९७ को घट्यो । बैंकिङ ०.८४ तथा निर्जीवन बीमा ०.४६ प्रतिशत बढे । विकास बैंक २.२५, फाइनान्स २.७९, होटल तथा पर्यटन ४.४९, हाइड्रोपावर ३.७४, उत्पादन २.५८, माइक्रोफाइनान्स ०.३१, अन्य ३ र व्यापार समूह १.३२ प्रतिशत घटे ।

आज ५ वटा कम्पनीको सेयरमूल्यमा माथिल्लो सर्किट लागेको छ। नेपाल फाइनान्सका सेयरधनीले सर्वाधिक गुमाएका छन्। यो कम्पनीको सेयरमूल्यमा नकारात्मक सर्किट लागेको छ।