बालेन शाह सचिवालयका तीन सदस्य रास्वपाको केन्द्रीय समितिमा उम्मेदवार

काठमाडौं । राष्ट्रिय स्वतन्त्र पार्टी (रास्वपा) को केन्द्रीय समिति सदस्य पदका लागि काठमाडौं महानगरपालिकाका मेयर बालेन शाह को सचिवालयसँग आबद्ध तीन जनाले उम्मेदवारी दिएका छन्।

उम्मेदवारी दिनेमा प्रमुख राजनीतिक सल्लाहकार अशिम शाह, नीति, प्रशासन तथा सुशासन सल्लाहकार सुदीप ढकाल तथा स्वकीय उपसचिव प्रकृति ढकाल रहेका छन्।

अशिम शाहले मुस्लिम समावेशीतर्फबाट उम्मेदवारी दर्ता गरेका छन् भने सुदीप ढकालले खुलातर्फ केन्द्रीय सदस्य पदका लागि प्रतिस्पर्धा गर्ने भएका छन्। यस्तै, प्रकृति ढकालले खुला महिलातर्फबाट उम्मेदवारी दिएकी छन्।

रास्वपाको आगामी नेतृत्व चयनलाई लक्षित गर्दै सचिवालयसँग निकट रहेका व्यक्तिहरूको उम्मेदवारीलाई पार्टीभित्र चासोका साथ हेरिएको छ।