साढे ४ अंकले बढ्यो नेपाल स्टक एक्सचेञ्ज (नेप्से)

काठमाडौं– साताको अन्तिम कारोबार दिन बिहीबार नेपाल स्टक एक्सचेञ्ज (नेप्से) साढे ४ अंकले बढेको छ ।

सेसन अवधिमा नेप्से ४.५० अंकले बढेर २६७०.१० को विन्दुमा पुगेको छ । सेन्सेटिभ इण्डेक्स ०.५४ अंक बढेको छ।

प्रि सेसनमा ६० वटा कम्पनीको कारोबार हुँदा २७ वटाको मूल्य बढ्यो भने २८ वटा कम्पनीको मूल्य घटेको छ । यस्तै, ५ कम्पनीको मूल्य स्थितर रहेको छ ।

सेसन अवधिमा ८ हजार ६२९ कित्ता सेयर किनबेच हुँदा ३६ लाख, ७ हजार ९१ रुपैयाँ ३७ पैसा बराबरको कारोबार भएको छ ।