मधेश सभामुखको चेम्बरभित्र थुनिएका सांसदहरू दुई घण्टापछि निकालिए

काठमाडौं । मधेस प्रदेशका सभामुख रामचन्द्र मण्डलको चेम्बरभित्र थुनिएका सांसदहरू दुई घण्टापछि बाहिर निस्किएका छन् । उनीहरूलाई प्रहरीले सुरक्षा दिएर निकालेको हो ।

सात दलका संसदले सभामुखविरुद्ध महाअभियोग प्रस्ताव दर्ता गरेसँगै प्रदेशसभाभित्र कोलाहल भएको थियो । सभामुखको सचिवालयभित्रै एमाले र सात दलका सांसदहरुबीच तनावको स्थिति उत्पन्न भयो ।

सभामुख स्वयम्ले तीन जना सांसदलाई हात हालेको आरोप लागेको छ । बाहिरबाट प्रहरीले ढोका थुनिदिएको थियो । त्यसपछि थप प्रहरी आएर सांसदहरूलाई निकालेको हो ।