काभ्रेमा बाढीमा बगेकी महिला फेला परिनन्, खोजी कार्य जारी

काठमाडौं । काभ्रेमा सोमबार आएको बाढीले बगाएर बेपत्ता भएकी महिलाको अवस्था अझै अज्ञात रहेको प्रहरीले जनाएको छ । उनको खोजीकार्य जारी छ ।

पनौती नगरपालिका–५ सुब्बा गाउँकी २८ वर्षीया रेनुका गिरी मेलाबाट फर्कने क्रममा कुलो तर्दा बेपत्ता भएकी थिइन् । गिरीको अवस्था पत्ता लाग्न नसकेपछि आजलाई खोजी कार्य स्थगित भएको छ। आज बिहानबाट पुनः खोजीकार्य हुने प्रहरीले जनाएको छ ।