टिपर दुर्घटनामा परी काभ्रेमा चालकको मृत्यू

काभ्रे । काभ्रेको मण्डनदेउपुर नगरपालिकामा टिपर दुर्घटना हुँदा एक जनाको मृत्यु भएको छ ।
वडानम्बर -२ ठकुरी गाउँमा निर्माणाधीन मिस्टिक माउन्टेन होटलको परिसरमा बालुवा झार्ने क्रममा ना.२ ख २४६४ नम्बरको टिपर दुर्घटना भएको हो ।
जिल्ला प्रहरी कार्यालय काभ्रेले जनाए अनुसार दुर्घटनामा सोही ठाउँका ३१ वर्षीय चालक विनोद घोरासैनीको घटनास्थलमै मृत्यु भएको छ ।