म्यान्मारको भुकम्पमा मर्नेको संख्या एक हजार चार

काठमाडौं। म्यानमारमा भूकम्पमा मृत्यु हुनेको संख्या एक हजार नाघेको छ।

विविसीले जनाए अनुसार शुक्रबार दिउँसो राजधानी नेपिडो आसपास केन्द्रबिन्दु भएर गएको ७.७ म्याग्नेच्युडको भूकम्पमा परी मृत्यु हुनेको संख्या १००४ पुगेको छ।

२ हजार ३७६ जना गम्भीर घाइते भएका छन्।

भूकम्पले भत्काएका घरहरूले मानिसहरू पुरिएको बताइएको छ। उनीहरुलाई भग्नावशेषबाट उद्धार प्रयास भइरहेको बताइएको छ।

राजधानी नेपिडो र मन्डालेमा भूकम्पले सयौं घरहरूमा क्षति पुगेक छ।

उद्धार कार्य चलिरहेका कारण मृत्यु हुनेको संख्या अझै बढ्न सक्ने अन्तर्राष्ट्रिय सञ्चारमाध्यमहरूले जनाएका छन्।

रातको समयमा मुख्य मुख्य सहरहरूमै बिजुली अवरूद्ध भएकाले समयमै उद्धार हुन नसकेको पनि बताइएको छ। त्यसले पनि मृत्यु हुनेको संख्या बढ्न सक्ने आकलन छ।