माओवादीले विरोध जनाएपछि कर्णालीको प्रदेश सभा बैठक स्थगित

काठमाडौं  कर्णाली प्रदेश सभामा नेकपा (माओवादी केन्द्र)संसदीय दलले आइतबारको बैठक अवरूद्ध गरेको छ।

आइतबारको प्रदेश सभाको दोस्रो कार्यकालको पाँचौं अधिवेशनको पाँचौं बैठकमा माओवादी केन्द्रले आपत्ति जनाएर अवरोध गरेको हो।

संसदीय दलका नेता राजकुमार शर्माले आफू नेतृत्वमा हुँदा कर्णाली समृद्धिको परियोजनाअन्तर्गत १० हजार जनालाई रोजगारी दिने लक्ष्यसहित अघि सारिएको कार्यक्रममा सरकारले वास्ता नगरेको भन्दै आपत्ति जनाएका हुन्।

व्यक्तिगत र दलगत रूपमा समझदारी गरिएको उक्त विषयलाई सरकारले वर्तमान सरकारले बेवास्ता गरेको उनले बताए।
संसद चल्न नदिने भन्दै माओवादी सांसदहरूले उभिएर विरोध जनाएपछि संसद स्थगित भएको छ।