रिहा भए दुर्गा प्रसाईँ, शनिवार पत्रकार सम्मेलन

काठमाडौं । सर्वोच्च अदालतको आदेशपछि मेडिकल व्यवसायी दुर्गा प्रसाईं रिहा भएका छन् । प्रहरी हिरासतमा रहेका उनलाई शुक्रबार सर्वोच्चले रिहा गर्न आदेश दिएलगत्तै रिहा गरिएको प्रहरीले जनाएको छ ।

दोस्रो पटक दर्ता भएको बन्दी प्रत्यक्षीकरणको रिटमा बन्दीसहित उपस्थित गराउने आदेश भएपछि शुक्रबार उनलाई सर्वोच्चमा हाजिर गराइएको थियो । यसअघि प्रधानमन्त्री केपी शर्मा ओली विरुद्ध भ्रम फैलाएको मुद्दामा अदालतबाट धरौटीमा रिहा गर्न आदेश दिएपनि उनलाई प्रहरीले व्यापारीलाई धम्क्याएको आरोपमा पुन:पक्राउ गरेको थियो ।

रिहा भएपछि प्रसाइँले शनिबार पत्रकार सम्मेलन गर्दै केही कुराको जानकारी दिने जनाएका छन् । उनले अबको आफ्नो लक्ष्य राजनीति पार्टी स्थापना गर्दै सक्रिय राजनीति गर्नु रहेको उनले जनाएका छन् ।