आप्रवासी कामदारकोे समस्याप्रति सरकार गम्भीर छ : मन्त्री भण्डारी

फास्ट न्युज
बिहिबार, १७ साउन २०८१

507

आप्रवासी कामदारकोे समस्याप्रति सरकार गम्भीर छ : मन्त्री भण्डारी

काठमाडौँ । श्रम रोजगार तथा सामाजिक सुरक्षामन्त्री शरद्सिंह भण्डारीले वैदेशिक रोजगारलाई मर्यादित, व्यवस्थित र सुरक्षित बनाउने प्रतिबद्धता व्यक्त गर्नुभएको छ ।

बिहीबार काठमाडौंमा नेपालका बहुपक्षीय संस्थाका पूर्वअन्तर्राष्ट्रिय व्यवसायीको संस्था ‘फिप्मो’द्वारा आयोजित कार्यक्रममा उहाँले देशभित्रै पर्याप्त रोजगारको अवसर सिर्जना नभएसम्म वैदेशिक रोजगारलाई व्यवस्थित बनाउनुपर्ने आवश्यकता औँल्याउँदै यसका चुनौतीबारे चर्चा गर्नुभएको हो ।

अवैध बाटोबाट प्रतिबन्धित मुलुकमा पुगेका नेपाली महिला श्रमिक अलपत्र परिरहेको सन्दर्भ उल्लेख गर्दै मन्त्री भण्डारीले वैधानिक बाटो खोल्नुपर्ने आवश्यकता औँल्याउनुभयो । मन्त्रालयको प्राथमिकतामा वैदेशिक रोजगार मात्र नभएको भन्दै वैदेशिक रोजगारबाट फर्किएका श्रमिकको सीप र पुँजीलाई उत्पादनसँग जोड्न सरकार प्रयासरत रहेको उहाँको भनाइ थियो । मन्त्री भण्डारीले यसका लागि सहकार्य गर्ने सम्बन्धित सबै सङ्घसंस्थालाई एकद्वार प्रणालीबाट ल्याउनुपर्ने आवश्यकता पनि औँल्याउनुभयो ।

उहाँले सङ्गठन तथा व्यवस्थापन सर्वेक्षण९ओएनएम० गरेर मन्त्रालयको पुनःसंरचना गर्ने तयारीबारे जानकारी दिँदै उहाँले आन्तरिक रोजगार महाशाखा स्थापना गरिने बताउनुभयो । “यस मन्त्रालयअन्तर्गतको पुनःसंरचनामा वैदेशिक रोजगार महाशाखा, वैदेशिक रोजगार विभाग र वैदेशिक रोजगार बोर्ड छन् । यसले के इम्प्रेसन दिन्छ भने यस मन्त्रालयले खाली विदेश मात्र पठाउने काम गर्छ”, उहाँले भन्नुभयो, “पुनःसंरचनाअन्तर्गत हामीले आन्तरिक रोजगार महाशाखा स्थापना गर्दैछौँ । यसलाई मन्त्रिपरिषद्मा छिट्टै पठाउँदैछौँ ।”

मन्त्री भण्डारीले आप्रवासी कामदारले भोग्दै आएको समस्याको समाधानका लागि मन्त्रालय प्रयासरत रहेको बताउनुभयो । उहाँले विश्वका विभिन्न मुलुकमा कागजपत्रको अभावमा अवैध रुपमा बस्न बाध्य नेपालीलाई आवश्यक सहजीकरण गर्ने प्रतिबद्धता व्यक्त गर्नुभयो ।

“नेपाली नागरिक जुनसुकै देशमा अवैध रुपमा बस्नुपर्ने बाध्यता छ भने आवश्यक ‘डकुमेन्ट’लाई वैधानिक बनाउने काम नेपाल सरकारको हो”, मन्त्री भण्डारीले भन्नुभयो, “ती मुलुकहरुले उहाँहरुलाई काम दिएको हुन्छ । तर हामीले फाराम भरेन, काम गर्ने इजाजत पत्र लिएन लगायतका बहानामा अलपत्र पार्नु हुँदैन ।”

फास्ट न्युज ।

बिहिबार, १७ साउन २०८१

सम्बन्धित समाचार

राष्ट्रिय परिचयपत्र अनिवार्य गर्ने निर्णयविरुद्धकाे रिट सर्वोच्चले खारेज गरिदियाे

आप्रवासी कामदारकोे समस्याप्रति सरकार गम्भीर छ : मन्त्री भण्डारी

आप्रवासी कामदारकोे समस्याप्रति सरकार गम्भीर छ : मन्त्री भण्डारी

राष्ट्रिय परिचयपत्र अनिवार्य गर्ने निर्णयविरुद्धकाे रिट सर्वोच्चले खारेज गरिदियाे

स्नुकर हाउसमा खुकुरी प्रहारमा संलग्न भएको आरोपमा ४ जनाविरुद्ध ज्यान मुद्दा

प्रथम खो खो विश्वकप: महिलातर्फ नेपाल उपविजेता, भारतले जित्यो उपाधि

धोविखोला करिडोर क्षेत्रका संरचनामा प्राधिकरणको डोजर

राष्ट्रिय परिचयपत्र अनिवार्य गर्ने निर्णयविरुद्धकाे रिट सर्वोच्चले खारेज गरिदियाे

स्नुकर हाउसमा खुकुरी प्रहारमा संलग्न भएको आरोपमा ४ जनाविरुद्ध ज्यान मुद्दा

प्रथम खो खो विश्वकप: महिलातर्फ नेपाल उपविजेता, भारतले जित्यो उपाधि

धोविखोला करिडोर क्षेत्रका संरचनामा प्राधिकरणको डोजर

रविसहित १४ जनाविरुद्ध रुपन्देहीमा ठगी र संगठित अपराधको मुद्दा

सभापति कप फुटबल प्रतियोगिताको खेल तालिका सार्वजनिक

दिनेश त्रिपाठीमाथि आक्रमणको विरोधमा कालो पट्टी बाँधेर वकिलहरूको प्रदर्शन

१२.५८ अंकले बढ्यो बजार

काठमाडौंमा मनाइयो चिनियाँ नयाँ वर्ष

काठमाडौंमा चिनियाँ नयाँ वर्षको रौनक