नेप्सेमा लगातार गिरावट, कारोबार रकम ३ अर्बमाथि

काठमाडौँ । नेपाल स्टक एक्सचेञ्ज (नेप्से) परिसूचकमा आज पनि गिरावट आएको छ । मंगलबार नेप्से ६.५१ अंकले घटेर २७२४.३९ विन्दुमा पुगेर बन्द भएको हो ।

आज ३४६ कम्पनीका ७८ लाख १६ हजार ४७८ कित्ता शेयर ३ अर्ब ८ करोड ७७ लाख ३० हजार ९६२ रुपैयाँमा कारोबार भएको छ ।

कारोबार भएका समूहमध्ये विकास बैंक, फाइनान्स, माइक्रोफाइनान्स र निर्जीवन बीमा समूह बाहेक अन्य सबै समूहको शेयर मूल्य घटेको छ ।

आज सबैभन्दा बढीकर्पोरेट विकास बैंकको शेयर मूल्य १४.२६ प्रतिशतले वृद्धि भएको छ भने नेपाल रिपब्लिक मिडिया को शेयर ६.४१ प्रतिशतले बढेको छ ।

यता सिटी होटलको शेयर मूल्य सबैभन्दा बढी ६.८४ प्रतिशतले घटेको छ । कारोबार रकमका आधारमा पनि सिटी होटल अग्रस्थानमा रहेको छ । कम्पनीको २३ करोड ५३ लाख रुपैयाँ बराबरको कारोबार हुँदा Sahas Urja को ९ करोड १६ लाख रुपैयाँ बराबरको शेयर कारोबार भएको छ ।