परराष्ट्रमन्त्री राणा मंसिर १३ मा चीन जाने, जापान जाने कार्यक्रम स्थगित

काठमाडौं ।परराष्ट्र मन्त्री आरजु राणा मङ्सिर १३ गते चीन जाने भएकी छिन्। प्रधानमन्त्री केपी शर्मा ओलीको आसन्न चीन भ्रमणको तयारीका लागि उनी ५ दिन अगावै चीन जान लागेकी हुन।

स्वास्थ्य उपचारका लागि परराष्ट्र मन्त्री राणा जापान जाने पूर्वनिर्धारित कार्यक्रम रहे पनि चिकित्सकहरूको समय नमिलेका कारण स्थगित भएको स्रोतले जनाएको छ ।

प्रधानमन्त्री ओली १७ मङ्सिरमा चार दिने भ्रमणका लागि उत्तरी छिमेकी मुलुक चीन जान लागेका हुन्।त्यसपछि उनी उतैबाट प्रधानमन्त्री ओलीको नेतृत्वको भ्रमण दलमा सहभागी हुनसक्ने सम्भावना बढी छ । प्रधानमन्त्री ओलीकाे चिनियाँ समकक्षीको निम्तोमा १७ देखि २१ मंसिरसम्म चीन भ्रमणमा जाने तयारी तीव्र रूपमा चलिरहेको छ ।