प्रतिनिधिसभा बैठक आज बस्दै, खानी तथा खनिज पदार्थ विधेयकमाथि छलफल हुने

काठमाडौं । संघीय संसदअन्तर्गत प्रतिनिधिसभाको बैठक आज बस्दैछ। संघीय संसद सचिवालयका अनुसार बैठक दिउँसो १ बजेबाट सुरु हुनेछ।

आजको बैठकमा व्यवस्थापन कार्यअन्तर्गत उद्योग, वाणिज्य तथा आपूर्तिमन्त्री गौरीकुमारीले ‘खानी तथा खनिज पदार्थ विधेयक, २०८३’ माथि विचार गरियोस् भन्ने प्रस्ताव प्रस्तुत गर्ने कार्यसूची रहेको छ।

बैठकमा उक्त विधेयकमाथि प्रारम्भिक छलफल हुने बताइएको छ। सचिवालयले सार्वजनिक गरेको सम्भावित कार्यसूचीअनुसार आजको बैठकमा विधेयकलाई अघि बढाउने प्रक्रियाका विषयमा छलफल हुनेछ।