त्रिचन्द्र क्याम्पसको स्ववियु सभापतिमा नेविसंघका गोविन्द कोइराला निर्वाचित

काठमाण्डाै । नेपालकै पहिलो क्याम्पस त्रिचन्द्र क्याम्पसको स्वतन्त्र विद्यार्थी युनियन (स्ववियु) को अध्यक्षमा नेपाली कांग्रेस निकट नेपाल विद्यार्थी सङ्घ (नेविसङ्घ) का गोविन्द कोइराला निर्वाचित हुनुभएको छ ।

कोइराला एक हजार दुई सय १५ मत ल्याएर विजयी हुनुभएको हो । उहाँका प्रतिद्वन्द्वी स्वतन्त्र उम्मेदवार सागर न्यौपानेले ६ सय ८३ मत प्राप्त गर्नुभयो । यस्तै स्ववियु सचिवमा आशिष गिरी र कोषध्यक्षमा दुष्यन्त गौतम निर्वाचित हुनुभएको छ । त्रिचन्द्र क्याम्पसमा सात वटा विद्यार्थी सङ्गठनको गठबन्धनलाई हराउँदै नेविसङ्घका कोइरालाको प्यानल नै विजयी भएको हो ।