सुन तोलामा रु १,९०० र चाँदी रु ४० ले महँगियो

काठमाडौं । स्थानीय बजारमा आज सुनचाँदीको मूल्यमा उल्लेख्य वृद्धि भएको छ। गत शुक्रबारको तुलनामा छापावाल सुनको मूल्य प्रतितोला रु १,९०० र चाँदीको मूल्य प्रतितोला रु ४० ले बढेको हो।

नेपाल सुनचाँदी व्यवसाय महासङ्घका अनुसार आज छापावाल सुन प्रतितोला रु २ लाख ८४ हजार कायम भएको छ। त्यसैगरी चाँदीको मूल्य प्रतितोला रु ४ हजार २४० निर्धारण गरिएको छ।

महासङ्घका अनुसार गत शुक्रबार छापावाल सुन प्रतितोला रु २ लाख ८२ हजार १०० र चाँदी प्रतितोला रु ४ हजार २०० मा कारोबार भएको थियो।

अन्तर्राष्ट्रिय बजारमा पनि बहुमूल्य धातुको मूल्य उच्च रहेको छ। अन्तर्राष्ट्रिय सञ्चारमाध्यमका अनुसार आज सुन प्रतिऔँस ४ हजार ३१ अमेरिकी डलर र चाँदी प्रतिऔँस ५६ अमेरिकी डलरमा कारोबार भइरहेको छ।