लेदोसहित पहिरो खसेपछि नौबिसे–काठमाडौं सडक अवरुद्ध

काठमाण्डाै – पहिरो खस्दा नौबिसे–काठमाण्डौ सडक अवरुद्ध भएको छ । धादिङको धुनिबेसी नगरपालिका–९ सुरुङमार्ग नजिकै लेदोसहित पहिरो खसेपछि अहिले सडक दुईतर्फी नै अवरुद्ध छ ।

पानी निरन्तर परिरहेको लेदोका कारण पन्छाउन नसकिएको प्रहरीले जनाएको छ । स्थानीय निकाय र सडक विभागसंग समन्वय गरेर सडक खुलाउने प्रयास भइरहेको प्रहरीले जनाएको छ।

बाटो बन्द हुँदा सवारी साधन र तिनमा सवार यात्रु बीच बाटोमै रोकिएका छन् ।