मुलुकभर २६ लाख ४५ हजार किसान परिवार सूचीकृत

काठमाडौं । देशभर हालसम्म २६ लाख ४५ हजार किसान परिवार सूचीकृत भएका छन्। कृषि सूचना तथा प्रशिक्षण केन्द्रका अनुसार चालु आर्थिक वर्ष २०८२/८३ को असार मसान्तसम्म २४ लाख ५० हजार किसान परिवार सूचीकृत गर्ने लक्ष्य रहेकामा लक्ष्यभन्दा बढी किसान सूचीकरण गरिएको हो।

खाद्य अधिकार तथा खाद्य सम्प्रभुतासम्बन्धी ऐन, २०७५ अनुसार सञ्चालन गरिएको राष्ट्रिय किसान सूचीकरण अभियानअन्तर्गत हालसम्म कुल किसान परिवारको करिब ६४ प्रतिशत सूचीकृत भइसकेका छन्। कृषि, वन तथा वातावरण मन्त्रालयले आगामी आर्थिक वर्षदेखि किसान वर्गीकरणसहित किसान परिचयपत्र वितरणको तयारी पनि अघि बढाएको जनाएको छ।