माल्दिभ्समाथि सानदार जित निकाल्दै नेपाल काभा महिला भलिबलको सेमिफाइनलमा

काठमाडौँ । नेपाल काभा महिला भलिबल च्याम्पियनसिपको सेमिफाइनलमा प्रवेश गरेको छ ।

आइतबार सम्पन्न खेलमा नेपालले माल्दिभ्सलाई सोझो सेटमा पराजित गर्दै प्रतियोगितामा लगातार दोस्रो जित हात पारेको हो । नेपालले माल्दिभ्सलाई २५–१२, २५–०९ र २५–२० को सेटमा हराउँदै अन्तिम चारमा स्थान सुरक्षित गर्यो ।

यस जितसँगै नेपाल पुल ‘ए’ बाट सेमिफाइनल पुग्ने निश्चित भएको छ । नेपालले प्रतियोगिताको पहिलो खेलमा भारतसँग ३–२ को प्रतिस्पर्धात्मक सेटमा हार व्यहोरेको थियो । त्यसपछि नेपालले किर्गिस्तानलाई सोझो सेटमा पराजित गर्दै पुनरागमन गरेको थियो ।