पश्चिम एसिया द्वन्द्वको असर: अप्रिलमा नेपालमा पर्यटक आगमन घट्यो

काठमाडौँ — सन् २०२६ को अप्रिल महिनामा नेपालमा एक लाख ७ हजार ९३४ विदेशी पर्यटक भित्रिएका छन्।

नेपाल पर्यटन बोर्डले सार्वजनिक गरेको तथ्याङ्कअनुसार गत वर्षको सोही महिनामा एक लाख १६ हजार ४९० पर्यटक नेपाल आएका थिए। यस वर्ष भने पर्यटक आगमनमा केही कमी देखिएको छ।

पश्चिम एसियामा जारी द्वन्द्वको प्रभावका कारण पर्यटक आगमन घटेको बोर्डले जनाएको छ। क्षेत्रगत रूपमा हेर्दा दक्षिण एसिया (सार्क) बाट सबैभन्दा धेरै ३३ हजार ४३२ पर्यटक नेपाल आएका छन्।

देशअनुसारको विवरणमा भारतबाट सबैभन्दा बढी १५ हजार १९६ पर्यटक भित्रिएका छन् भने चीनबाट ११ हजार ७२२ पर्यटक नेपाल आएका छन्।