राजु पाण्डेले दिए राजीनामा, काठमाडौँबाट चुनाव लड्ने

काठमाडौँ । काठमाडौँ महागनर प्रहरी बलका प्रमुख राजुनाथ पाण्डेले पदबाट राजीनामा दिएका छन् ।उनले माघ ४ गतेदेखि लागू हुने गरी राजीनामा दिएको जानकारी दिएका छन् । पाण्डेका अनुसार उनी माघ ३ गतेसम्म बहाल रहनेछन् । आगामी फागुन २१ गते हुने प्रतिनिधिसभा निर्वाचनमा सहभागी हुने तयारीका लागि उनले राजीनामा दिएको बुझिएको छ ।

स्रोतका अनुसार पाण्डे आगामी फागुन २१ गते हुने प्रतिनिधिसभा निर्वाचनलाई लक्षित गर्दै सक्रिय राजनीतिमा प्रवेश गर्ने तयारीमा छन्। सोही कारण उनले महानगर प्रहरी प्रमुखको जिम्मेवारी त्यागेको बताइएको छ।