रोहित र एरिका वर्षका उत्कृष्ट खेलाडी घोषित

काठमाडौं । एनएसजेएफ पल्सर स्पोर्ट्स अवार्ड २०८० मा नेपाली राष्ट्रिय क्रिकेट टोलीका कप्तान रोहित पौडेल वर्षका उत्कृष्ट पुरुष खेलाडी घोषित भएका छन्।

रोहित हाल क्यानडामा रहेकाले उनको अवार्ड आमा र दाइले थापेका थिए। करातेकी एरिका गुरुङले वर्षको महिला उत्कृष्ट खेलाडीको अवार्ड प्राप्त गरिन्।वर्ष पुरुष, महिला, युवा र प्रशिक्षक विधाको विजेताले पल्सर एनएस २०० मोटर बाइक पाए।

पिपल्स च्वाइस विधाको विजेताले पल्सर एनएस ४०० मोटर बाइक जिते। अन्य विधाका विजेतालाई जनही एक लाख रुपैयाँ र गिफ्ट ह्याम्पर प्राप्त गरे।